ماللهزيمه مجال بنشوة الانتصار
القافله خلها تمشي تراي ارتجيك
اذوب حتى انصهر في كوكب الانصهار
واعيد تركيبتي .. وابدأ معك وابتديك
وادخل معك في كيان ٍ غير وابدأ واغار
واموت بك .. واحترق واغار كلي عليك
غلااااك يفرض على قلبي قبول القرار
واجيك مستسلم .. وقلبي خضع في يديك
وشلون ماطيع لامرك وانت كل المسار
اسير من سيطرة هواك لين انتهيك
وابدأ معك رحلة ٍ تبدأ بعز النهار
واعيش ليل الهموم .. وبالطريق احتريك
غلاك واضح .. محبه ماعليها غبار
اعشقْك في كل حالات المحبه وابيك
من شفتك اهواك حتى لحظة الاحتضار
وابيع كل البشر بارخص ثمن واشتريك
ملكتني بالمحبه والغلا .. باختصار
اهواك .. واضماك .. واجوعك غلا ..واشتهيك
ان صرت جنبي احس بنشوة الانتصار
وان غبت انادي عليك من الوله وارتجيك
الخميس مايو 29, 2008 7:14 pm
